by Arber Braja | Sht 28, 2018 | blog1
Në mbrëmjen e së shtunës, më datë 8 shtator, në ambientet e teatrit “Turbina” në kryeqytet, u mbajt koncerti i pianistes me famë botërore Idil Biret. Ajo ofroi magjinë e saj në kete recital, ku luajti veprat më të njohura të muzikës klasike për piano nga kompozitorët më të mirë.
Përveç artdashësve të shumtë, të pranishëm ishin edhe ambasadori i Turqisë në Tiranë, Murat Ahmet Yörük, artistë, studentë dhe personalitete të ndryshme, të cilët kanë ndjekur nga afër performancën e artistes turke.
Recitali u organizua nën kujdesin e Ambasadës së Turqisë në Tiranë dhe në bashkëpunim me Ministrinë e Kulturës dhe Teatrit Kombëtar të Operës dhe Baletit. Albtelecom ishte sponsor i këtij eventi.
Me misionin për të krijuar evente të paharrueshme nëpërmjet një kulinarie origjinale dhe stafit kreativ Diplomat Event & Catering u kujdes për dekorin dhe shërbimin e kateringut në këtë event kulturor gala me 400 të ftuar. Ushqimi i servirur nga menuja jonë e larmishme e përgatitur me shumë dashuri nga shefat tanë duke përzgjedhur produktet e freskëta të vendit dhe ato të stinës, i ftoi të pranishmit të shijonin ushqimin më të shijshëm dhe verërat më të mira, duke ndarë momente të mira dhe socializimi me njëri tjetrin.
Organizimi i eventit ishte i kuruar deri në detaj.
by Arber Braja | Sht 28, 2018 | blog1
Eventet në jetën tuaj kanë rëndësi të veçantë, po aq ka edhe vendi ku ju vendosni ta shënoni ditën tuaj. Kur organizoni një event, ju ballafaqoheni me shumë vendime. Zgjedhja e lokacionit është vendimi që do të ketë ndikimin më të madh në eventin tuaj. Data e eventit, opsionet e kateringut dhe përvojat e këndshme të të pranishmëve … të gjitha janë të prekura pjesërisht nga vendndodhja që ju zgjidhni. A ju tingëllon kjo pak frikësuese? Ju nuk duhet të ndiheni kështu, pasi Diplomat Catering ju jep disa udhëzime se kur duhet të merrni një vendim per vendin, çfarë duhet të shqyrtoni dhe si të bëni më të mirën.
- Lokacioni
Ju ndoshta e keni konsideruar tashmë këtë. Për një event lokal, ju mund të kërkoni një vend brenda një distance të arsyeshme nga shtëpitë e më të afërmve ose vendeve të punës. Nëse shumë pjesëmarrës do të udhëtojnë nga jashtë qytetit, një vend pranë aeroportit ose hotelet e tyre do të jenë funksionale. Në cilindo rast, mos harroni të merrni në konsideratë trafikun, transportin dhe hapësirat e parkimit.
- Parkingu
A ka objekti hapësira parkimi ose një person që asiston në parkimin e makinave? Një vend me parking është ajo që të gjithë dëshirojnë. Nëse nuk është kështu, a ka parkim aty pranë tek i cili pjesëmarrësit mund të kenë akses dhe t’a përdorin? Nëse nuk ka parkim në dispozicion, ju nuk jeni krejtësisht jashtë loje pasi keni disa alternativa si: të rezervoni parking afër për pjesëmarrësit tuaj, apo te shikoni zbritjet e ofruara nga shërbimet me taksi.
- Kapaciteti dhe Minimumet
Cili është kapaciteti? Ju duhet të dini kapacitetin e sallës së objektit per te pare akomodimin e teftuarve, psh. 500 njerëz (nëse kaq është përmasa e vlerësuar e eventit) nuk mund të përshtaten mirë në një sallë me kapacitet prej 250 personash.
- Kuzhina
A ka objekti një kuzhinë dhe a mund të ofrojë katering për eventin tuaj?. Ato vende që nuk kanë të përfshirë objektet e kuzhinës, mund të kenë një partneritet me një kompani kateringu. Ju mund të dëshironi të kontrolloni sigurinë dhe cilësinë e ushqimit të tyre paraprakisht. Nëse ato nuk nuk janë mjaft të mira, mund të krijojë një ndikim negativ në përvojat e të pranishmëve tuaj. Pra, ose të përzgjidhni një vend ku shërbehet ushqim shumë i mirë ose ju duhet t’i drejtoheni kompanisë së duhur të kateringut.
- Pajisjet
A ka tavolina, karrige dhe aksesorë që mund t’i përdorni? Nëse objekti i ofron këto facilitete, ju mund të kurseni shumë para dhe përpjekje duke i përdorur ato që ata kanë, duke supozuar se ata përputhen me temën dhe ambientin tuaj.
A ka një strukturë / staf pastrimi? Nëse keni gjetur një vend që siguron një strukturë dhe staf për pastrim, gëzohuni! Ky nuk është gjithmonë rasti. Nëse këto shërbime nuk janë të disponueshme, ju duhet të mobilizoni stafin tuaj të eventit ose të gjeni vullnetarë.
- Planimetria e objektit
Plani i objektit dhe skicat do t’ju ndikojnë shumë në disa aspekte të ndryshme të eventit tuaj:
- Fluksi i trafikut: Mendoni për fluksin e trafikut gjatë eventit tuaj. Cilat zona do të kenë trafik të lartë në këtë event? Regjistrimi? Dyert e auditorit? Mbajeni këtë në mend kur zgjedhni vendin tuaj.
- Aktivitetet e eventit: Nëse dëshironi të keni moderator në eventin tuaj, ju nevojitet një skenë, ose një vend për të improvizuar një skenë me qira. A keni priza në vendet e duhura? A do të ketë një bar?
- Ambienti
Kushtojini vëmendje të veçantë dekorit ekzistues brenda objektit. Çfarë stili është arkitektura dhe arredimi i brendshëm? Nëse ju po mbani një festë gala, me siguri ju nevojitet një ambient ndryshe nga ai i një ekspozite. Sa më pak të përputhet ambienti me pritshmëitë tuaja të eventit (luks, teknologji e lartë, etj.) aq më shumë dekor do t’ju duhet të bëni për ta përshtatur atë.
Siç mund ta shikoni, ka shumë gjëra për të marrë parasysh kur zgjidhni vendin e eventit tuaj. Megjithatë, merrini në konsideratë këto ide kur të bëni hulumtimin tuaj, për vendet që i përshtaten më mirë nevojave tuaja. Do të dëshironit të shihni se si t’i bëni të lumtur të pranishmit tuaj duke kursyer kohën tuaj nga ato detyra të lodhshme të menaxhimit të eventeve duke ia besuar Diplomat Event & Catering për të gjetur atë që është më e mira për ju.
by Arber Braja | Sht 20, 2018 | blog1
Kur ju keni një event, konferencë, trajnim, seminar, takim të rëndësishëm me klientët tuaj apo qoftë edhe një mbledhje të rëndësishme me stafin tuaj, mënyra më e mirë është ta nisni aktivitetin duke ofruar një menu kateringu për mëngjesin tuaj. Mëngjesi është me të vertetë i rëndësishëm, është vakti më jetësor i ditës. Më poshtë po ju listojmë disa arsye pse një breakfast bufe është i rëndësishëm:
- Rrit Energjinë
Në raste të tilla ushqimi luan rol të rëndësishëm për të rritur energjinë e trupit.
Ne ofrojmë menunë tonë për një mëngjes të shëndetshëm, ushqyes dhe të shijshëm. Ju mund të zgjidhni nga larmia e drithërave të plota për një mëngjes energjik dhe plot fibra si tërshërë, kos grek kremoz, bageta të mbushura me proshutë dhe djathë, vezë të ziera ose omëleta të ndryshme, salmon të tymosur dhe krem djathi.
- Rrit Nivelet e Përqëndrimit
Relaksohuni me një filxhan të ngrohtë çaji ose kafe. Por mund të përzgjidhni edhe lëngjet e freskëta të frutave. Përqëndrimi është i rëndësishëm që gjatë seminarit, konferencës apo takimit tuaj, të përthithni informacionin brenda një kohe të shkurtër.
- Funksionet Konjitive
Një mëngjes cilësor do të influencojë prodhimin e dopaminës, një substancë kimike shumë e rëndësishme për funksionet konjitive si vëmendja dhe memoria.
- Përmirëson Humorin
Askush nuk mund ta mohojë ndjesinë e kënaqësisë që të ofron një kek me çokollatë apo një muffin me reçel. Në menunë e mëngjesit, këto produkte janë prezente për të rritur disponibilitetin tuaj të mirë dhe për të përmirësuar humorin.
- Ul nivelet e stresit
Evente të tilla ndikojnë në mënyrë indirekte në rritjen e nivelit tuaj të stresit, por ja që për të mposhtur stresin, ushqimi ndikon shumë.Një menu e pasur me proteina ka tendencën të rregullojë reagimin tuaj ndaj stresit.
- Socializimi
Aktivitete te tilla rrisin shkallën e socializimit duke u lidhur me njëri-tjetrin. Koha e përbashkët që kalojnë duke shijuar diçka së bashku është e mbushur me biseda mes miqsh.
Diplomat Catering vjen në shërbimin tuaj me breakfast catering. Në këtë link ju mund të shihni një menu shembull të realizuar për një klient. Pavarësisht llojit të aktivitetit tuaj, ne do jemi aty për t’ju dhënë maksimumin e shijes, përkujdesjes dhe detajit.
by Arber Braja | Sht 7, 2018 | blog1
Po planifikoni një “Baby Shower” por nuk jeni të sigurt se nga të filloni? Për një ditë të paharrueshme, ja 5 ide interesante që duhet t’i konsideroni kur të planifikoni një festë të tillë. Nëna e ardhshme dhe të gjithë miqtë e saj do të surprizohen dhe do të kënaqen nga këto detaje interesante.
1. Tullumbace me shkronja
Tullumbacet e thjeshta tashmë nuk tërheqin më vëmendjen e fëmijëve. Ata janë zëvendësuar me tullumbacet me shkronja dhe shumëngjyrëshe ose nga balonat me ngjyrë argjendi apo floriri dhe me hije metalike më klasike të cilat kanë pamje mjaft atraktive duke bashkuar gërmat “Baby Shower” duke shpalosur edhe temën e kësaj feste. Për të përfunduar dekorin, mund të shtoni edhe disa tullumbace të vegjël të rrumbullakët në të dyja anët.
2. Lojrat Baby Shower
Nuk ka festë pa lojra! Provoni me miqtë tuaj disa lojëra zbavitëse që nxisin garën miqësore dhe sa e njihni njeri tjetrin. Ftojini të gjithë në lojë për një eksperiencë interaktive. Thuajini të gjithë të ftuarve të sjellin foto të tyre të fëmijërisë dhe luani lojën “kush është kush”.
Ju mund të përfshini lojra rreth gjërave të vogla, si gara me ushqim midis të ftuarve, lojrat me tullumbace si dhe të testoni njohuritë e të ftuarve me gjetjen e të të vegjëlve të kafshëve.
3. Dhuratat e vogla
Dhuratat e vogla të personalizuara janë një mënyrë e mirë për t’u treguar të ftuarve tuaj se vërtet e vlerësoni praninë e tyre dhe kohën e tyre për të marrë pjesë në festën tuaj. Nuk ka rëndësi nëse janë kavanoza të mbushura me karamele ose qese me kokoshka, kur ju jep diçka të vogël miqve për të marrë me vete në shtëpi është një mënyrë e mirë për të thënë faleminderit. Mendoni sesi dhuratat tuaja të përputhen edhe me temën e “Baby Shower”.
4. Tema e festës së ‘Baby Shower-it”
Përpara se të filloni punën me fyesat apo dekorimet, do t’ju vinte në ndihmë përcaktimi i një teme feste. Tema pak a shumë duhet të reflektojë preferencat e nënës së ardhshme dhe gjithashtu të fokusohet edhe tek “bebi i ri”. Për shembull, në qoftë se ju nuk e dini gjininë e foshnjes, ju mund të krijoni një temë nga natyra, duke e kompletuar me qirinj në trungje të pemëve dhe korniza të bukura prej druri ose një temë safari me tigrat dhe elefantët ekzotikë të vegjël. Por nëse e dini që do të jetë një vajzë, atëherë një temë pink si në përralla me një kështjellë me princesha do të ishte fantastike! Ose mendoni temën e grerëzave, duke e dekoruar vendin me lule të verdha dhe të zeza, kek të të vegjël me krem të verdhë, apo mbulesa tavoline me ngjyrë bazë të verdhë me topa të bardhë.
Çfarëdo që të preferoni, tema e festës duhet të jetë kryefjalë në çdo aspekt të saj. Duke e përfshirë atë në pjata dhe gota, peceta, dekore të vogla, dhe banera të varur në të gjithë shtëpinë ose hapësirën e eventit. Mundësitë janë të pafundme.
5. Baby Shower Katering
Sigurohuni që të kujdeseni për kateringun e duhur për një ushqim të shijshëm për të ftuarit dhe fëmijët e uritur. Ushqimet për një festë të tillë nuk kanë nevojë të jenë shumë të përpunuara. Një menu kateringu është gjithmonë një ide përfekte dhe është alternativa më e mirë. Çdo gjë gati për t’u servirur gjithçka që dëshironi në ditën e festës. Përpara se të porositni, pyesni për alergjitë apo ndonjë dietë speciale dhe gjithashtu edhe preferencat e nënës së ardhshme për ushqimet dhe pijet gjatë festës.
Pavarësisht nga mënyra se si e planifikoni festën tuaj, stafi ynë do ju asistojë dhe t’ju japë zgjidhjet më të mira për një event mresëlënës.
by Arber Braja | Sht 6, 2018 | blog1
Përpara se të organizoni festën e fejesës, duhet të kujdeseni që ajo të jetë e përkryer me një menu të pasur kateringu. Nëse nuk jeni i sigurt se çfarë do t’iu servirni të ftuarve tuaj, ju sugjerojmë për të zbuluar 5 ide origjinale nga Diplomat Catering për përzgjedhjen e menusë së kateringut që dëshironi.
1. Menuja e Verës dhe Ushqimit
Ne ofrojmë nga larmia e menusë sonë që ju të përzgjidhni me kujdes ushqimet me të cilat mund të kombinohen sipas llojit të verërave. Për t’ju ardhur në ndihmë, ne ju rekomandojmë opsionet më të mira për ju dhe të ftuarit tuaj. Një kombinim i mirë i verës dhe ushqimit u jep të gjithëve mundësinë të eksplorojnë shijet unike të pjatave të ndryshme duke i shoqëruar edhe me pije të tjera.
2. Çfarë lloji kuzhine ju pëlqen?
Planifikoni rreth një lloji të caktuar menuje sipas shijeve tuaja ose mund të shtoni në menu ndonjë specialitet të ndonjë kuzhine të caktuar. Nëse ju i qëndroni besnik menusë tradicionale ne ofrojmë nga më të ndryshmet që nga djathrat e vendit, bukën e freskët dhe specialitetet tona. Nëse preferoni kuzhinë italiane, ju mund të zgjidhni një antipastë, pjepër të mbuluar me proshutë, sallata të freskëta të kopshtit dhe pasta.
3. Festë Casual
Nëse ju pëlqeni ushqimin e shpejtë dhe nuk doni që festa juaj të jetë shumë formale për ceremoninë e fejesës, mendoni t’i shtoni elemente të tjera menusë suaj. Për shembull, në vend të picave të zakonshme, shtoni edhe krostini margaret, qofte sferike, puffs, role me perime, ose edhe asortimente të tjera që ofrojmë nga kjo lloj menuje, në mënyrë që kjo festë e stilit ‘casual’ të marrë një pamje më klas.
4. Festa e stilit Brunch
Cila është mënyra më e mirë sesa për të filluar ditën me mëngjesin e vonë? Servirni bageta dhe salmon të tymosur, brioshë të freskët me reçel, muffins, fruta të freskëta dhe waffles. Ju mund të shtoni në menu edhe proshutë, salcice, dhe byreçka. Për pije, ofroni kafe dhe lëngje të shtrydhura.
5. Dekoroni një tavolinë me ëmbëlsira dhe karamele ose bonboniera (confetti)
Ëmbëlsirat janë kënaqësi më vete. Gjithkush preferon të shijojë diçka të ëmbël pas ngrënies dhe kjo nuk bën përjashtim as në festën e fejesës. Vendosni kavanoza me karamele të llojeve të ndryshme ose bonboniera (confetti), në një kënd, që të ftuarit t’i shijojnë ato gjatë gjithë festës. Secila bonbonier (confetti) përmban gjithmonë një numër ‘tek’ karamelesh (konfeta), sepse numri ‘tek’ simbolizon bashkimin e çiftit në ‘një’. Zakonisht 5 karamele është zgjedhja më e zakonshme sepse, simbolizon shëndetin, jetëgjatësinë, mirëqenien dhe fertilitetin e çiftit, por mund të përzgjidhen edhe 7 ose 9 copë. Ofroni ëmbëlsira të ndryshme që nga brownies, mini cupcakes dhe torta të tjera.
Secila prej këtyre pesë ideve që sugjeruam për katering është e sigurt që do ta bëjë festën tuaj akoma më të bukur. Diskutoni me stafin e Diplomat Catering për të marrë një menu të personalizuar per eventin tuaj!
Komente Së Fundi