by dart | Shk 16, 2019 | blog1
Keni vendosur të përgatisni një cheese ball por dëshironi një arsye më shumë për ta bërë? Atëherë ju duhet të dini se cheese ball ka qenë një ndër ushqimet e preferuara të amerikanëve gjatë viteve 1950 dhe 1970 dhe i kanë shoqëruar ato në çdo martini në mbrëmjet e tyre!
Cilët janë përbërësit?
- djathë dhie
- rikota
- arra
- bajame të pjekura
- erëza
- karrotë e grirë
Fillojmë duke vendosur djathin e dhisë, rikotën, koprën, erëzat dhe bajamet e pjekura në një tas. I përziejmë të gjithë përbërësit së bashku deri sa të formohet një masë e vetme.
Me masën e krijuar, përdorim duart tona për të bërë formën sferike të Cheese Ball-it tonë të parë!
Më pas në një pjatë tjetër hedhim arrat e copëzuara dhe fusim mes tyre topin e djathit që sapo përgatitëm.
Kjo shije është ndër më të pëlqyerat!
Por në rast se ju nuk jeni të sigurtë për shijen e të ftuarve apo të miqve tuaj ose madje dëshironi t’i surprizoni ata edhe më shumë, atëherë mund ta mbështillni topin e djathit të përgatitur me kopër ose edhe me karrotë!
E pra ja dhe ku i keni gati topat tuaj të djathit sa hap e mbyll sytë! Jo vetëm të shijshëm por edhe me ngjyra të bukura! Për një kompozim më të bukur mund t’i vendosni ato në një pjatë të zezë dhe shtoni një shkop sipër tyre për dekor. Dhe pjata juaj është gati për tu servirur!
by dart | Shk 8, 2019 | blog1
Të afërmit tuaj do vijnë t’ju vizitojnë? Dëshironi të lini një përshtypje sa më të mirë por nuk keni kohë për të gatuar?
Ne ju prezantojmë me një recetë krijuese, elegante dhe mjaft e thjeshtë për t’u përgatitur! Por mbi të gjitha shumë e shijshme! Me përbërës që ne të gjithë i duam – Disk kastraveci me salmon të tymosur dhe krem djathi!
Përbërësit janë:
- Disk kastraveci
- Salmon i tymosur
- Limon
- Kopër
Le të fillojmë!
Si fillim marrim një kastravec të freskët që shija të jetë sa më e mirë. E presim në feta të vogla me trashesi 3 cm.
Më pas kastravecat i vendosim në pjatë. Ne do t’ju sygjeronim një pjatë drejtkëndësh që forma e rrumbullakët e disqeve të kastravecit të ngjajë sa më bukur estetikisht!
Mbasi kemi vendosur përbërësin e parë në pjatë i shtojmë krem djathi sipër, me anën e qeseve të pastiçerisë, në rast të mungesës së saj, ju mund të përdorni edhe një lugë të vogël kuzhine.
Hapi tjetër është prerja e salmonit me kujdes në feta shumë të holla.
Fetat e salmonit i vendosim sipër kremit të djathit, duke u kujdesur që të marrin formë të bukur.
Pas vendosjes së fetave të salmonit do vendosim copa të vogla limoni të cilat kompozohen si në ngjyrë ashtu edhe në shije me përbërësit e tjerë!
Përbërësi i fundit por jo më pak i rëndësishëm është të shtoni pak kopër. Edhe pse i vogël ai i bën një diferencë të madhe në shije prandaj mos e harroni!
Tani disk kastraveci me salmon te tymosur është gati dhe jemi të sigurt që e keni përgatitur për më shpëjt se 10 minuta! Dhe me e bukura është se miqtë tuaj kanë arritur dhe cdo gjë është gati!
Klikoni për të parë videon ose nëse dëshironi të njiheni me një tjetër recetë nga Diplomat klikoni këtu!
by dart | Jan 30, 2019 | blog1
Si te pergatisim nje roast beef crostini? Një antipastë e lehtë për t’u përgatitur, shije unike që është e sigurtë se do të jetë ndër më të preferuarat në cdo darkë!
Në këtë periudhë të dimrit, të gjithë duam të shijojmë një gotë verë të kuqe në një mbrëmje të ftohtë në shtëpinë tonë me familjen apo edhe kur ftojmë disa miq për një mbrëmje ndryshe! Kjo do të thotë që duam të kemi recetën e duhur për një antipastë perfekte. Duam të ndajmë me ju një ndër ushqimet tona të preferuara dhe t’ju mesojme se si te pergatisim nje roast beef crostini me krem djathi dhe pesto borziloku.
Le t’i përgatisim së bashku!
Përbërësit janë
– Bagetë
– Krem djathi
– Roast Beef
– Pesto Borziloku
– Vaj ulliri
– Kripë
Si filim bagetën, të bardhë ose integrale, ndajeni në feta me trashësi 2 cm. Lyejeni cdo fetë me vaj ulliri dhe pak kripë. Për të patur një ngjyrë krokante dhe shije sa më perfekte, vendosini në furrë për 5 minuta.
Me ndihmën e një luge lyejini cdo fetë buke me krem djathi, deri sa shtresa të bëhet e njëtrajtshme kudo.
Më pas merrni Roast Beef (fileto vici e pjekur), priteni në feta me trashësi 0.5 cm dhe vendosini sipër fetës së bukës me krem djathi.
Përgatitja e Roast Beef: E skuqim në tigan me pak vaj ulliri, një degë rozmarinë, 1 thelb hudhër, kirpë, piper. E skuqim rreth 5 minuta deri sa të marrë një ngjyrë të njëtrajtshme në të gjitha anët. Më pas e vendosim në furrë në temperaturën 70 gradë celcius për 50 minuta. Pjekja duhet medium, gjithsesi ju mund ta piqni sipas preferencave tuaja!
Sipër vendosni pesto broziloku, në qendër të cdo buke. (Përgatitja e pestos së borzilokut: borziloik, hudhër, stika pishe, djathë, grana. Të gjithë përbërësit futen në blender.)
Në fund vendosni sipër rozmarinë të freskët për element dekorativ. Për një aromë dhe shije ekstra, ju mund edhe t’i spërkasni tym rozmarine.
Crostini me roast beef janë gati për tu servirur! Ju bëftë mirë!
Për më shumë ju mund të shihni videon duke klikuar këtu!
by dart | Nën 20, 2018 | blog1
Festat e Fundvitit po afrojnë dheTirana do të jetë plot me njerëz që festojnë dhe argëtojnë së bashku. Diplomat Event & Catering është partneri juaj i duhur dhe fton institucionet, korporatat, bizneset apo familjarë të festojnë festat e fundvitit me të në një atmosferë të ngrohtë dhe mikpritëse, në një mjedis komod dhe modern, shërbim të përkryer, menu të pasur dhe çmime të arsyeshme. Në këtë mbrëmje festive, stafi i Diplomat Event & Catering dëshiron të jetë pranë jush dhe t’jua bëjë këtë natë të paharrueshme.
Kudo që të ndodhet festa juaj, ne e bëjmë atë një ambjent që të ndiheni të ngrohtë nga përkushtimi ynë dhe do të keni kënaqësinë për ta përjetuar dhe shijuar ashtu siç duhet.
Diplomat Event & Catering ofron fantazinë dhe dekorimin e një tryeze plot shije festive: fruta, ëmbëlsira, pije e koktejle të ndryshme si dhe menunë speciale të festave të fundvitit. Menu me antipasta/sallata të zbukuruara me perime dhe salca të shumëllojshme dhe produkte me bazë mishi dhe prodhime deti.
Në Diplomat Event & Catering fokusi ynë është që eventi juaj të jetë i përsosur dhe i kuruar në çdo detaj. Ne ofrojmë:
- ushqim të shijshëm
- shërbim ekselent
- staf profesional
- cilësi në gatim
- art në prezantim
- ekperiencë 25 vjeçare
- përkushtim
- traditë
- kreativitet
Ne ofrojmë gjithashtu mundësi për organizim të eventeve tuaja në ‘venue’ atraktive të cilat përshtaten sipas eventit tuaj si edhe servisin e nevojshëm për çdo lloj eventi tematik. Ndër to mund të përmendim Diplomat Hotel & Spa, Folie, Lollipop, Cavaliero, Royalhills, Pallati i Kongreseve etj.
Po ashtu kemi në dispozicion edhe dekor, fotograf dhe kameraman profesional për të gjitha eventet tuaja.
Rezervoni tani dhe përfitoni ofertat fantastike për festat e fundvitit, sepse ne gjithnjë kujdesemi për ju!
Për më shumë informacion lutemi na kontaktoni.
by dart | Nën 14, 2018 | blog1
Ernst & Young (EY) është një kompani lider globale në shërbimet e konsulencës, e angazhuar në ndërtimin e një bote më të mirë në punë. Në datë 6 Nëntor, ajo festoi në mjediset e Pallatit të Kongreseve 15 vjetorin e prezencës së saj në Shqipëri, ku stafi i Diplomat Event & Catering shërbente pijen e mirëseardhjes dhe cateringun për të gjithë të ftuarit.
EY Albania i besoi Shërbimin e Kateringut në këtë event të rëndësishëm me 250 të ftuar Diplomat Event & Catering. Të ftuar ishin personalitete të ndryshme si dhe bashkëpunëtorë e partnerë të kompanisë.
Ky event biznesi nuk do të ishte i plotë pa provuar delikatesat e mrekullueshme të përzgjedhura me kujdes nga shefat tanë bazuar në menu à la carte dhe me shërbimin ekselent të stafit në servirjen dhe set-up-in në nivelin më të lartë dhe të kuruar në çdo detaj.
Menuja speciale përfshinte sallatë më avocado, tartartoni, fileto salmoni, cheesecake, verë të kuqe dhe të bardhë si edhe birra. Shërbimi u ofrua në kohën e duhur duke ruajtur temperaturën e ushqimit.
Diplomat Event & Catering i uron 15 vjetorin kompanisë EY Albania dhe e falenderojmë për besimin në ofrimin e shërbimit katering të këtij eventi.
Nëse dëshironi mund të na kontaktoni!
by dart | Nën 10, 2018 | blog1
Kompania lider në treg Billa Albania organizoi një mbrëmje feste me rastin e Grand Opening për të inaguruar show room-in e ri, me sipërfaqen më të madhe të ekspozimit në Ballkan. Në këtë show room mund të gjeni të gjitha produktet dhe artikujt e nevojshëm për shtëpinë tuaj për një pamje të bukur dhe komode. Gjithashtu kompania Billa – Pllaka Parket Hidrosanitare feston edhe 11 vjetorin e krijimit të saj. Në këtë Show Room i cili ndodhet në Autostradën TR-DR Km 7 në rrugën dytësore, nga data 8-19 nëntor Billa ofron për klientët oferta promocionale, shitje të gjitha produkteve pa fitim. Billa Albania i besoi shërbimin e kateringut të këtij eventi Diplomat Catering.
Fjala e rastit u mbajt nga presidenti i kompanisë Z. Shefqet Billa dhe i biri Z. Jetmir Billa i cili falenderoi të gjithë të ftuarit për pjesëmarrjen dhe për bashkëpunimin e deritanishëm.
Një event shumë i madh ku stafi i Diplomat Event & Catering shërbeu me sukses për më shumë se 1000 të ftuar që nga koktejli i mirëseardhjes dhe deri tek servirja A La Carte përgjatë mbrëmjes.
Kombinime të një menuje të larmishme, appetizers, harmoni ngjyrash dhe shije, standard i lartë në produkte, shërbim ekselent, korrektësi dhe gatishmëri për t’ju ofruar një eksperiencë unike.
Faleminderit që besuat Diplomat Event & Catering në eventin tuaj!
Komente Së Fundi